منتديات أشواقنا تحكي - للصريحين فقط: هل ستقبل العرض؟؟

كل اجوبتكم نابعه من واقع انو حياتكم ترفه وعايشين في بلد بيه كل مقومات القبول والرضا والرخاء (( يعني عز وسلام وومعيشة زينة )) .. الله يديمها عليكم

انا راح اجاوب من منطلق الحياه الي مريت بيها انا واهلي والناس الي اتغربوا وطلعوا من العراق بسبب ظروف الحرب و الاعتداءات والمقاومة ..

طلعت من العراق وانا عمري اقل من ستة سنين واتغربنا و ذقنا ماذقنا ؛؛ فــ حتى مشاعرنا تغيرت تجاه باقي اهلنا الي بقوا هناك .. بالنسبة الي ماكنت احمل اي مشاعر لباقي اقربائي الا لما زرت العراق سنة 2005 ؛؛ حسيت بحب تجاهم وحنين بس للبلد وكبلد مع كل الاسف ماكو امان يعني ماكو شي يضمنلي اني راح اعيش حياه ترفه واحساس دائم بالامان مثل اهنا ..

فــ جوابي ؛؛ اي اوافق لان انا هنا اعيش وهنا اتقلمت بس هم مايندرى يجوز اغير رايي مع الوكت لما حال العراق يتغير ويتحسن و نصير نكدر نعيش بيه (( هسه اذا رحت وين اعيش احنا قن ماعدنا )) ..

الحمدلله جربنا عشنا بدولة عربية (( المفروض اسلامية )) عيشونا بمعسكرات وبخيام ويعاملونا معاملة الخدم .. هنا بدولة كفار على راي البعض (( عدنا شقق ورواتب وجنسية و كل الحقوق والضمانات حالنا حال الشعب )) ..

سوري ع الاطاله

وثانكس