" أحبك" آخر اخباري..
وآخر ماورد بالكف..

"أحبك" وابعد حدودي..
سلام وأقربه نظره..

"أحبك" بأول إحساس..
داعب مهجتي ماكف..

"أحبك" إيه أنا "أحبك"
بقلبٍ ماعرف يكره.!!

هذي جنه اشواقي..
أبعثرها قصيد وحرف..

أجيك ململم "جروحي"
وصوتي تخنقه "العبره"

أجيك بخاطرٍ مكسور..
وعين ماتغض الطرف..

أجيك "بلهفتي" وينك.؟!
فؤادي ماحمل صبره..

أبيك تسابق شمسي..
بعد من الصفر للألف.!!

بحط ايدي على خدّي..
واقول امتى يجي بكره.!!

بكحل ناظري بشمعة..
جبينك يالغرام العف..

ويسعد لي صباح الّي..
تصبح بك على الفطره..

أنا ادري ماعرفتني.!!
تشابه في سماك الصنف..

صوابع ايدك بكفك..
واذا هي تختلف قدره..

أنا ادري في البشر عمله..
رخيصه في بنوك الصرف..

أنا اعرف في البشر معدن..
ثقيل يرجح الصخره..

سألتك باللذي زانك..
أنا ويني بذاك الصف.؟

أشوف المعجبين كثار..
واخاف تطول النطره..

رجيتك لاتجي بدافع..
مايسمى "العطف"

تراي مااملك إحساسي..
إذا قلبي بدا يشره..

"هذي آخر اخباري"
وآخر ماورد بالكف

وانت وشهي اخبارك.؟
عقب الّي سبق ذكره.!!

صح لسآنك ولسآن كاتبها

مووودتي ...***

__________________

منروهـ والله..~

__________________

صح لسان الكاتب والشاعر

وصح لسنانها وسلمت يمينه


اعجبتني القصيده

تحياتي لك غاليتي

ودمت بكل الود