معآآند كلامك بالمره منطقي وعين العقل وأحب أسمعلك كثيير ،،
بس معاند أنا مانزلت الموضوع في منتدى أمريكي ولا تركي ولاأي شي أنا نزلتو لمن عرفت واتاكدت أنو اغلب دا 🅰️ سعودين
وماأنزل للتشويه بالعكس أنا سعوديه وافتخر أني سعوديه ولو أحد أتكلم عن السعوديه بشي مو حلو أرد عليهم وأمسح فيهم القاع بس لمن يجي سعودي يتكلم عن السعوديه اكيد هوا شايف شي عشان كدا هرج
ولمن يجي أجنبي يتكلم عن شي في السعوديه وماقال شي غلط بالعكس كلامو كلو صح بس مو حلو في حقنا بس مايمدي أرد عليه ولا أسوي أي شي لنو كلامو صح وكيف جاء الكلام الي قالو فينا مو من المجتمع نفسو السعودي الي عندو لامباآله
وانا ولا غيري لو قال وضح أي عيب في المجتمع مو عشان يشوهو بالعكس عشان يحسنو لمن أحد يشوف شي ينقال عنهم كدا أكيد بينقهر وبيعدل ادا بيدو شي
أدخلو أي منتدى أجنبي بتلقى منزلين عيوبهم ليش يبغو يعدلو من نفسهم وتلقى كثير يتقبلو الهرجه الا أحنا مايتقبلو ليش في راسنا ريشا لا معليش غلطانين والف غلطانين كمان وأقولها وماعليا في أحد
بس بما أنو تلقى كثير سعودين يتكلمو عن المجتمع السعودي عشان يوضحلهم ويفهمهم زي" أحمد الشقيري" الله يكثر من أمثالو دا دليل عندو أمل في المجتمع السعودي ويبغى يعدل منهم ويصلحو من أغلطهم
وأنشاءلله يتوفقو ويسعدهم ويتحسن حال السعوديه اكثروأكثر
الحمدلله على كل حال


موادع الاعوار هوا عارف أنو أعور يعني مو لازم نقلو في وجهو ونجرحو لازم ننتبه لدى الشي مشاعر واحاسيس الناس
حتى لو قال أنو انا عوره وانا مو عوره عادي بتقبل منو لنو هوا تعبان نفسيتو بتكون تعبانه
المهم الله يشافي كل تعبان مو دا موضوعنا
الكاتبه لمن أتكلمت يمكن كمان ماتكلمت عن أبوها واخواها وخالها ومدري مين يمكن أتكلم بصفه عامه
وانا لمن نزلت الموضوع ماقدصت فيه أحد والحمدلله حالي طيب وأهلي كلهم تعاملهم كويس بس لمن نزلتو عن السعودين بصه عامه سوء كان أنت ولا أخويا ولا غيركم
أنا أتكلمت عن السعوووووووودين بصفه عامه مو ادع لاتحس أنو الكلام موجهلك الله يخليك والله ماقصدتك خليك واثق في نفسك وكفايا اي حولك عارفين كيف تعاملك مع أهلك مو لازم تثبتلي ولا لغيري أنك مو كدا
يعني لاتحس الكلام أنو لك بس لانك سعودي في السعودين في الطالح وفيه الفالح على قولك وأنشاءلله تكون ويكونو الكلا من الفالحين يارب
وأكيد محد مايغلط بس فيه غلط عن غلط بس لمن يجي أب يعذب بنتو دا مو غلط دي مشكله وقضيه وجريمه كمان ماينسكت عنها ولازم يتحسب ويتعاقب أشد عقاب
"والكاتبه تحش وتطقطق ,, ولا ويش دخل المحشي والمندي " هههههههههه
البنت الي كتبت الموضوع أتكلمت بالعاميه تبغى الكل يقراها لنو كثير سارو مايحبو الكلام الرسمي وانا وحده منهم في كلام مره ماأحب أسمعو لنو ألاسلوب مايشدني الاسلوب لو دووووور كبير في الناس
موادع أتمنى فهمت عليا دحين :yes4lo:



على العموم معآآند كلامك بالمره حلو وعين العقل وكلو حكم ومنطق بالنسبه ليا وتقريبا للكل واتمنى ماتفهمني غلط
ربي يسعدك ويوفقك ويكبر عقلك كمان وكمان :yes211:

أتمنى محد يفهمني غلط وأنشاءلله مايكون في أحد زعل مني

__________________