منتديات أشواقنا تحكي - [•●| .. .. عرفت ليه اسأل عن الشوق بحروق.. .... |●•]

...•.?.•...

.
.
(ابسألك) يامالك الحسن .. ياذوق
..........وابي الاجابه نابعه من دواخلك
ولافيه حق بين عاشق ومعشوق
..........هو شي مشغلني وباشوف مشغلك
لاولّعت في صدرك النار بحروق
..........والشوق جمره تشتغل فيك تاكلك
ضامي عطش والماي مابلل عروق
..........غرقان في بحر الهوى لي سواحلك
لايطربك مغنى ولاعزف(ن) يتوق
..........الوجد في داخلك ماهوب ممهلك
قلي بربك .. ويش يضنيه هالشوق
..........ونار بصدرك واللواهيب داخلك
وشهو يطفّي النار .. ويحرر العوق
..........ويفك روحك من لوهيب تقتلك
الشوق خلاني بلاعقل مصفوق
..........جن الفكر مني وخوفي يجننك
لنه رسم فيني مسارات وطروق
..........ماصرت افّرق بين اولك واخرك
لانك سكنت اهداب عيني ورى الموق
..........ماغبت لحظه دام بالعين منزلك
تدري وش أسوّي الى أضناني الشـوق
..........ماني مثل علوش اغمض وخايلك
انا يجيني شي بالقلب مسبوق
..........شعور يجري بي كما تجري الفلك
احس قلبي شق في صدري شقوق
..........عاف الجسد ... وكل همه بياصلك
يدوج فيني بين الاسواق ملحوق
..........ويقطع شوارع لين ياصل لمنزلك
ويدق بابك ناشف الدم بعروق
..........واذا لمحك اقبلت هرول ويسألك
اشتقت لي .. لايابعد كل مخلوق
..........فقدتني .. يابعد ربعي مع اهلك
واذا سكت .. يقول ماهزك الشوق
..........ماني فقيده .. يعني لاذي ولا تلك
يبي تضمه براحه يديك برفوق
..........وتقول له ياقلب مدري شقول الك
عرفت ليه اسأل عن الشوق بحروق
..........ابي اشوف ان طار بك وين ينزلك

.
.
.
وسلامتكم

...•.?.•...